 |
| श्री अनिरुद्ध बापू यांच्या पत्नी सौ नंदा अनिरुद्ध जोशी माता रेणुकेची प्रेमाने दृष्ट काढताना. |
माय माझ्या रेणुकेची दृष्ट काढुया गं दृश्ट काढुया ।।धृ।।
माहुर गड हिचं ठाणं। भक्तासाठी केलं येणं।
प्रेमे आनंदुनी भावे । दृष्ट काढुया।।१।।
पहाटे जगदंबा नहाली । मग केली वेणी फणी।
मोत्यानं गं भांग हिचा ।आपण भरुया।।२।।
भरजरी शालू ही नेसली । अंगी काचोळी घातली।
कैसी वेल्हाळ शोभती । दृष्ट काढुया ।।३।।
बसायला चांदीचा पाट । जेवायला सोन्याचे ताट।
भोजनाला पुरणपोळी । आपण वाढुया।।४।।
मारुनी दैत्य महिषासुर । तेथे दृष्ट झाली अपार।
भक्ती सुमने घेउनी हाती । दृष्ट काढुया।।५।।
रेणुका दिसती सुंदर । दृष्ट होईल वारंवार।
मीठ मोहर्याची दृष्ट । आपण काढुया।।६।।
टिप्पण्या
टिप्पणी पोस्ट करा